JIJI LA DODOMA KINARA MBIO ZA MWENGE WA UHURU 2023

By Halmashauri ya Jiji la Dodoma

 Na. Dennis Gondwe, DODOMA

HALMASHAURI ya Jiji la Dodoma imeibuka kinara katika mbio za Mwenge wa Uhuru mwaka 2023 iliibuka nafasi ya kwanza kimkoa, kikanda na nafasi ya pili kitaifa.

Mkuu wa Mkoa wa Dodoma, Rosemary Senyamule (wa kwanza kushoto) akikabidhi cheti cha mshindi wa kwanza wa Mwenge wa Uhuru ngazi ya Mkoa na Kanda Jiji la Dodoma

Taarifa hiyo ilitolewa na Mkuu wa Mkoa wa Dodoma, Rosemary Senyamule alipokuwa akitoa maelezo mafupi kuhusu matokeo ya mbio za Mwenge wa Uhuru mwaka 2023 katika kikao cha mkuu wa mkoa na wakuu wa wilaya na watendaji katika mkoa na halmashauri kilichofanyika katika ukumbi wa mikutano wa Ofisi ya Mkuu wa Mkoa wa Dodoma.

Senyamule alisema kuwa mwaka 2023 Mkoa wa Dodoma ulikuwa mkoa wa 30 kabla ya mkoa wa kilele kukimbiza Mwenge wa Uhuru. “Wakimbiza Mwenge wa Uhuru wanakuwa na vigezo wanavyoangalia hasa wanaangalia fedha zilizoletwa zimetumikaje, ubora wa miradi iliyoletewa fedha na Mheshimiwa Rais imesimamiwaje kwa tija na ufanisi kiasi gani na kuona jinsi ambavyo tumehamasisha wananchi kupokea ujumbe wa Mwenge wa Uhuru ambao ni ujumbe wa kitaifa kwa lengo la kuongeza umoja na mshikamano kitaifa” alisema Senyamule.

Alisema kuwa mkoa ulipokea barua kutoka Ofisi ya Waziri Mkuu, Vijana, Kazi na watu wenye Ulemavu ikionesha matokeo ya Mwenge wa Uhuru mwaka 2023 kwa kila halmashauri, kimkoa, kikanda na kitaifa.

“Niseme mambo machache katika Mkoa wa Dodoma halmashauri tano zimeingia katika 10 bora. Halmashauri ya Jiji la Dodoma imeshika nafasi ya kwanza kimkoa, nafasi ya kwanza kikanda na nafasi ya pili kitaifa” alisema mkuu wa mkoa.

Halmashauri nyingine zilizoingia 10 bora ni Halmashauri ya Mji Kondoa imeshika nafasi ya pili kimkoa, nafasi ya pili kikanda na nafasi ya sita kitaifa. “Halmashauri ya Wilaya ya Mpwapwa imeshika nafasi ya tatu kimkoa, nafasi ya tatu kikanda na nafasi ya nane kitaifa. Halmashauri ya Wilaya ya Kondoa na Kongwa zimefungana zikiwa nafasi ya nne kimkoa, nafasi ya nne kikanda na nafasi ya 10 kitaifa” alisema Senyamule huku akibubujikwa na tabasamu la wazi.

Alisema kuwa matokeo hayo yamepelekea Mkoa wa Dodoma kufikia asilimia 83.54 ya ufanisi kwenye shughuli za Mwenge wa Uhuru mwaka 2023. “Dodoma mwaka 2022 tulishika nafasi ya 22 kitaifa jambo hilo halikutufurahisha, tulipeana shime kuwa hiyo siyo nafasi yetu kama mkoa. Kutokana na matokeo hayo na juhudi mbalimbali zilizofanyika mwaka huu kwa mara ya kwanza katika historia ya Mkoa wa Dodoma, Mkoa wa Dodoma umeshika nafasi ya kwanza kitaifa” alisema Senyamule kwa furaha.

Mkuu wa Mkoa wa Dodoma, Rosemary Senyamule (katikati) akifurahia ushindi na Mkuu wa Wilaya ya Dodoma, Alhaj Jabir Shekimweri (kushoto) na Mkurugenzi wa Jiji la Dodoma, John Kayombo (kulia)


Ikumbukwe kuwa kikao cha mkuu wa mkoa na wakuu wa wilaya na watendaji katika mkoa na halmashauri kiliongozwa na mkuu wa mkoa, kikihudhuriwa na Kamati ya Usalama Mkoa, Katibu Tawala Mkoa, wakuu wa wilaya, wakurugenzi wa mamlaka za serikali za mitaa, waratibu wa Mwenge wa Uhuru na maafisa wengine waandamizi wa serikali.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more