SERIKALI YAANZISHA KLINIKI YA ARDHI DODOMA KUTATUA KERO ZA WANANCHI

By Halmashauri ya Jiji la Dodoma


Na. Dennis Gondwe, DODOMA

SERIKALI imeanzisha kliniki maalum ya Ardhi katika Halmashauri ya Jiji la Dodoma kwa lengo la kusikiliza na kutatua kero mbalimbali zinazowakabili wananchi ikiwa ni utekelezaji wa maelekezo ya serikali ya awamu ya sita.

Kauli hiyo ilitolewa na Katibu Tawala Mkoa wa Dodoma, Ally Gugu alipotembelea siku ya kwanza ya utekelezaji wa majukumu ya kliniki hiyo na kuongea na mamia ya wananchi waliojitokeza katika eneo la iliyokuwa Halmashauri ya Manispaa ya zamani jijini hapa.

Gugu alisema “hii ni kliniki maalum ya Ofisi ya Mkurugenzi wa Jiji la Dodoma akishirikiana na Kamishna Msaidizi wa Ardhi Mkoa wa Dodoma na Katibu Tawala Msaidizi anayehusika na Miundombinu akiiwakilisha Ofisi ya Mkuu wa Mkoa wa Dodoma. Lengo ni kuwasikiliza na kutambua kero zenu kwenye masuala ya Ardhi katika Jiji la Dodoma. Tumekuja kuwasilikiza tutambue kero zenu na wananchi wanaotaka kuhakiki maeneo yao na hati miliki tuweze kuwapatia”.

Alisema kuwa kliniki hiyo inaashiria dhamira ya serikali ya awamu ya sita inayoongozwa na Rais, Dkt. Samia Suluhu Hassan, Wizara ya Ardhi na Mkoa wa Dodoma katika kuwahudumia wananchi. “Ndani ya wiki moja tutahakikisha tumetatua changamoto zenu kama tutaona baada ya kujitathmini kama kuna haja ya kuendelea na zoezi hili litakuwa endelevu. Kwa wingi huu wa wananchi tumeona tuwe na eneo kubwa ili tuweze kuwashughulikia kwa wingi. Sisi tuwashukuru sana kwa uvumilivu na kujitokeza kwenu mmekuwa mkishughulikiwa kwa utulivu. Tunaomba uvumilivu wenu uendelee na sisi kama watumishi wa umma ambao Mheshimiwa Rais ametuelekeza tupo tayari kuwasilikiza na kuwahudumia” alisema Gugu.

Kwa upande wake Noel Bismark mwananchi aliyekwenda kupata huduma katika kliniki hiyo alisema kuwa utaratibu ule ni mzuri kwa sababu una uwazi na uwajibikaji tofauti na maafisa wanapofanyika kazi katika ofisi zao.

Kilini ya Ardhi katika Halmashauri ya Jiji la Dodoma ilianza tarehe 16 mwezi huu na itaendelea hadi tarehe 20 mwezi huu.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more