WAKAZI WA DODOMA WASHAURIWA KUPIMA UDONGO KABLA YA KILIMO

By Halmashauri ya Jiji la Dodoma

Na. Dennis Gondwe, NZUGUNI

WAKAZI wa Halmashauri ya Jiji la Dodoma wametakiwa kujenga utamaduni wa kupima afya ya udongo ili kujua mahitaji ya virutubishi kwa udongo vitakavyosaidia kupata mazao mengi na bora.

Mkuu wa Divisheni ya Kilimo Mjini, Yustina Munishi


Kauli hiyo ilitolewa na Mkuu wa Divisheni ya Kilimo mjini katika Halmashauri ya Jiji la Dodoma, Yustina Munishi alipokuwa akiongelea umuhimu wa afya ya udongo kwa mkulima katika kuzalisha mazao bora na yenye tija.

Munishi alisema kuwa kujua afya ya udongo ni muhimu sana kwa mkulima. “Napenda kuwataarifu kuwa kujua afya ya udongo ni muhimu sana kwa mkulima kabla ya kuanza kilimo alichokusudia. Kujua afya ya udongo kunamuwezesha mkulima kujua kiasi cha nyongo au tindikali kilichopo katika udongo. Ukijua afya ya udongo utajua ni zao gani uzalishe na linahitaji virutubisho gani na uweke mbolea ya aina gani na kwa kiasi gani ili uweze kupata mazao yaliyo bora. Hii ni muhimu kwa sababu watu wengi wanadanganyika kwa kuona udongo mweusi anasema hapa kuna mbolea, lakini hatupimi afya ya udongo kwa kuangalia sura na rangi ya udongo. Tumekuja na seti nzima ya upimaji afya ya udogo katika Banda la Halmashauri ya Jiji la Dodoma kwenye maonesho haya ya Nanenane” alisema Munishi.

Nae Emiliana Waitu aliyetembelea banda la maonesho la Halmashauri ya Jiji la Dodoma alisema kuwa amewahi kusikia kuwa udongo huwa unapimwa lakini hakuwa akijua sababu za kupima udongo. “Leo nimeshangaa kuona vifaa vya kupimia udongo na kuelezwa manufaa ya kupima udongo kabla ya kuanza kilimo. Kweli teknolojia imeongezeka na Jiji la Dodoma limetuletea mambo mazuri kwenye maonesho ya Nanenane mwaka huu” alisema Waitu.

Maonesho ya shughuli za wakulima Nanenane mwaka 2023 yanaongozwa na kaulimbiu isemayo “Vijana na wanawake ni msingi imara wa mifumo endelevu ya chakula”.

Baadhi ya wataalam wa Divisheni ya Kilimo mjini wa Halmashauri ya Jiji la Dodoma


MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more