RC Senyamule alipongeza Jiji la Dodoma kupata Hati safi ya Hesabu za mwaka 2021/2022

By Halmashauri ya Jiji la Dodoma

Na. Dennis Gondwe, DODOMA

HALMASHAURI ya Jiji la Dodoma imepongezwa kwa kupata Hati safi ya ukaguzi kwa hesabu zilizoishia tarehe 30 Juni, 2022 na kuupa heshima Mkoa wa Dodoma.

Mkuu wa Mkoa wa Dodoma, Rosemary Senyamule akitoa maelekezo katika Mkutano maalum wa Baraza la Madiwani Jiji la Dodoma kupitia na kujadili ripoti ya CAG


Pongezi hizo zilitolewa na Mkuu wa Mkoa wa Dodoma, Rosemary Senyamule aliposhiriki Mkutano Maalum wa Baraza la Madiwani wa kupitia na kujadili hoja za halmashauri zilizoibuliwa na Mdhibiti na Mkaguzi Mkuu wa Hesabu za Serikali (CAG) katika ukumbi wa mikutano wa Halmashauri ya Jiji la Dodoma.

“Mstahiki Meya naomba nitumie nafasi hii kwa namna ya pekee na kwa idhini yako Mstahiki Meya kuipongeza Halmashauri ya Jiji la Dodoma kwa kupata Hati safi ya ukaguzi kwa hesabu zinazoishia tarehe 30 Juni, 2022. Hongera sana. Hati hii safi ya ukaguzi inalifanya Jiji la Dodoma kuendelea kupata Hati safi kwa miaka minne mfululizo kuanzia mwaka 2017/2018. Kitendo hiki kimelipa heshima Jiji la Dodoma, kimeupa heshima Mkoa wa Dodoma na taifa kwa ujumla kwa kweli mmetupa heshima wote” alisema Senyamule kwa furaha isiyo kifani.

Akiongelea chachu ya mafanikio ya Jiji la Dodoma katika ukaguzi huo alisema ni ushirikiano uliopo. “Mstahiki Meya, mafanikio haya makubwa yanatokana na uwepo wa ushirikiano chanya baina yenu waheshimiwa madiwani, watendaji wa halmashauri, viongozi na wadau mbalimbali. Hivyo, nawasihi endeleeni kudumisha ushirikiano huo ili kuiwezesha halmashauri kuendelea kupata Hati safi katika kaguzi zote kila mwaka kama ambavyo imekuwa utamaduni wenu. Ni matumaini yangu kuwa mtautumia ushirikiano huu kuhakikisha hoja zote za ukaguzi zilizotolewa na Mdhibiti na Mkaguzi Mkuu wa Hesabu za Serikali na mkaguzi wenu wa ndani zinashughulikiwa ipasavyo ili ziweze kuhakikiwa na kufungwa kwa kuzingatia sheria na taratibu za serikali” alisisitiza Senyamule.

Mwenyekiti wa mkutano huo maalum Prof. Davis Mwamfupe alisema kuwa Rais, Dkt. Samia Suluhu Hassan ameelekeza taasisi kufuata maagizo na kanuzi zinavyoelekeza katika matumizi ya fedha za serikali. “Mheshimiwa Rais akaenda mbali zaidi na kututaka hesabu zetu ziwe waziwazi na masuala ya kiutawala. Hatuna budi kumpongeza. Ukiangalia mwenendo wa hizi hoja bado tunahitaji msisitizo.  Halmashauri ya Jiji la Dodoma hatuna budi kujisifia na kujipongeza, kwamba bajeti ikiongezeka na kufikia hata bilioni 150 na zaidi ungetemea makosa yawepo zaidi na hivyo, hoja kuongezeka… lakini wakati bajeti yetu inakwenda juu, sisi idadi ya hoja inakwenda chini, kwa nini tusijipongeze katika hili” alihoji Prof. Mwamfupe.

Mstahiki Meya, Prof. Davis Mwamfupe akiongea katika Mkutano maalum wa Baraza la Madiwani kupitia na kujadili ripoti ya CAG


Awali akiwasilisha taarifa ya Mdhibiti na Mkaguzi Mkuu wa Hesabu za Serikali kwa mwaka ulioishia tarehe 30 Juni, 2022 Kaimu Mkurugenzi wa Halmashauri ya Jiji la Dodoma, Francis Kaunda alisema kuwa wakati taarifa hiyo inatoka halmashauri ilikuwa na jumla ya hoja 54. Alisema kuwa kati ya hoja hizo, hoja 21 zilikuwa za miaka ya nyuma na hoja 33 zilikuwa za mwaka wa fedha 2021/2022.

“Baada ya majibu ya hoja hizo kuwasilishwa kwa Mdhibiti na Mkaguzi Mkuu wa Hesabu za Serikali na uhakiki kufanyika hoja 21 zilifungwa na kusalia na hoja 33. Katika ukaguzi wa hesabu za mwaka wa fedha 2021/2022 Mdhibiti na Mkaguzi Mkuu wa Hesabu za Serikali ametoa Hati safi kwa Halmashauri ya Jiji la Dodoma. Hati hii inafanya Jiji la Dodoma kuendelea kupata Hati safi toka mwaka 2016/2017 hadi mwaka 2021/2022 mfululizo” alisema Kaunda.

Akiongelea taarifa ya utekelezaji wa maagizo ra Kamati ya Bunge ya Hesabu za Serikali za Mitaa (LAAC), alisema kuwa halmashauri ilikuwa na maagizo 10. Maagizo manne yametekelezwa na maagizo sita yanaendelea kutekelezwa. “Pamoja na taarifa hii fupi, nimeambatisha hoja zinazoendelea na utekelezaji, maoni ya Mkaguzi, majibu ya Menejimenti, maoni ya Kamati ya Ukaguzi na maoni ya Kamati ya Fedha na Utawala, kwa ajili ya kuzipokea, kuzijadili na kutoa maoni na mapendekezo” alisema Kaunda.

Kaimu Mkurugenzi wa Jiji, Francis Kaunda akiwasilisha taarifa 


Mkutano maalum wa Baraza la madiwani utekelezaji wa maelekezo ya Ofisi ya Rais, TAMISEMI kuwa taarifa ya Mdhibiti na Mkaguzi Mkuu wa Hesabu za Serikali kwa Hesabu za mwaka 2021/2022 iwasilishwe na kujadiliwa na Mkutano Maalumu wa Baraza la Madiwani mara baada ya kupokelewa.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more