Mradi wa majaribio wa usimamizi taka kuanza Dodoma

By Halmashauri ya Jiji la Dodoma

Na. Asteria Frank, DODOMA

Halmashauri ya Jiji la Dodoma kwa kushirikiana na Ofisi ya Makamu wa Rais, Muungano na Mazingira wanatekeleza mradi wa majaribio wa usimamizi wa taka za plastiki katika Jiji la Dodoma kwa lengo la kuhamasisha njia bunifu katika usimamizi wa taka za plastiki kupitia dhana ya uchumi rejeshi ili kupunguza taka za plastiki kwenye mazingira na kuboresha maisha na uchumi wa taifakwa ujumla.




Baada ya kutembelea na kukagua maendeleo ya mradi huo uliopo katika Kata ya Chamwino, Afisa Mazingira wa Halmashauri ya Jiji la Dodoma, Aliy Mfinanga, alisema kuwa mradi wa majaribio utawanufaisha na kuwawezesha jamii na vikundi vya usafi kufanya shughuli za ukusanyaji na usafirishaji wa taka katika Kata ya Chamwino kwa nia ya kutia thamani kupitia dhana ya uchumi rejeshi ili kutunza Mazingira kutokana na plastiki.

“Tumeshazoea kuona msisitizo mkubwa kuwa taka ni taka na kwamba haifai tena, lakini kupitia mradi huu wa majaribio tunataka kuonesha jamii kuwa tunaweza kuongeza thamani ya taka kutokana na plastiki ili kuweza kufanya dhana nzima ya uchumi rejeshi” alisema Mfinanga.




Alisema kuwa wanategemea kuwa na mashine ambayo itatumika kusaga chupa za plastiki ambazo zitakuwa zimetoka mtaani, kwenye makazi, masoko, maeneo ya biashara na kwenye taasisi sehemu ambapo vikundi hivi vya Kata ya Chamwino vinafanya kazi.

“Lengo letu ni kusaga chupa za plastiki na kuzisafirisha kwenda Dar-es-Salaam kwaajili ya kutengeneza bidhaa nyingine za plastiki ikiwa ni pamoja na vyombo vya plastiki kama vifaa vya umeme, samani na kadhalika. Kwahiyo, kupitia mradi huu wa majaribio tunafanya kwenye ngazi ya vikundi na tutaufanya muda wa majaribio ili tuweze kuona namna gani tunaweza kuu ‘upscale’ kulingana na lengo tulilojiwekea”.

“Tunatarajia pia uchumi wa vikundi vinavyo fanya shughuli hii kupanda kidogo kwasababu kwa sasa wanafanyakazi ya kukusanya na kusafirisha taka. Lakini kupitia mradi huu wa majaribio wa usimamizi wa taka za plastiki wanaenda kujiongezea kipato kwasababu kilo ya chupa sasa hivi inauzwa shilingi 300 wenyewe kwakuwa wanafanya hii kazi inamaanisha watakuwa wanapata ‘material free of charge’ na baada ya kusaga tunategemea kulingana na soko la sasa ni kuanzia shilingi 800 mpaka 1,200 na mashine yetu kwa siku inaweza kusaga nusu tani ambazo ni takribani kilo 500” alisema Mfinanga.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more