Tofauti kati ya kuboresha taarifa katika daftari la kudumu la mpiga kura na kujiandikisha katika orodha ya wapiga kura

By Halmashauri ya Jiji la Dodoma

Na. Faraja Mbise, DODOMA


Balozi wa Shina Namba Sita, Mtaa wa Chang’ombe katika Kata ya Ihumwa, Adawila Zakayo alipokuwa akifafanua kwa wananchi tofauti ya zoezi la kuboresha taarifa katika daftari la kudumu la mpiga kura na kujiandikisha katika orodha ya mpiga kura katika Uchaguzi wa Serikali za Mitaa

Zoezi la kuhakiki na kuboresha taarifa katika daftari la kudumu la mpiga kura lililofanyika tarehe 25 Septemba, 2024 hadi Oktoba 1, 2024 lilimtaka mwananchi kwenda kuboresha taarifa zake katika daftari la kudumu la mpiga kura tofauti na zoezi la sasa ambalo linamtaka mwananchi kujiorodhesha katika orodha ya mpiga kura lililoanza tarehe 11 hadi 20 Oktoba, 2024 linalohitaji mwananchi kwenda kuandikishwa kwenye orodha ya mpiga kura kwa lengo mahususi kabisa la kuchagua viongozi  ngazi ya vijiji, vitongoji  na mitaa.

Ufafanuzi huo ulitolewa na Balozi wa Shina Namba Sita, Mtaa wa Chang’ombe katika Kata ya Ihumwa, Adawila Zakayo alipokuwa akifafanua kwa wananchi tofauti ya zoezi la kuboresha taarifa katika daftari la kudumu la mpiga kura na kujiandikisha katika orodha ya mpiga kura katika Uchaguzi wa Serikali za Mitaa.

“Zoezi la kujiandikisha katika daftari la kudumu la mpiga kura lilikuwa ni kwa ajili ya mwakani katika Uchaguzi Mkuu kwa ajili ya kumchagua Diwani, Mbunge na Rais. Hili zoezi la sasa hivi la kujiandikisha katika orodha ya mpiga kura ni kwa ajili ya Uchaguzi wa Serikali za Mtaa ambapo tutamchagua mwenyekiti na wajumbe wake” alifafanua Zakayo.

Alisema kuwa baadhi ya wananchi wamekuwa wakishindwa kutofautisha kati ya kuboresha taarifa na kujiandikisha katika orodha ya mpiga kura. Changamoto hiyo imekuwa ni chanzo cha muitikio mdogo wa watu kujitokeza kwenda kujiandikisha hivyo tunaendelea kutoa ufafanuzi ili kuwasaidia wananchi wetu waweze kujiandikisha katika orodha ya wapiga kura. “Baadhi ya watu wanachanganya juu ya kujiandisha ingawa Tume ya Huru ya Taifa ya Uchaguzi imefanya jitihada kubwa ya kuhabarisha umma kuhusiana na kujiandikisha katika daftari la kudumu la mpiga kura. Watu wengine hawajitokezi kwasababu wanajua zoezi hili linaloedelea la kujiandikisha ni kwa ajili ya kuchukua vitambulisho. Lakini sio, lengo la zoezi hili lililoanza tarehe 11 Oktoba, 2024 ni maalumu kwa kuchagua viongozi wa Serikali za Mitaa” alisema Zakayo.

Hata hivyo, alitoa rai kwa wananchi ambao bado hawajapata uelewa wa matukio haya ya uchaguzi kuwa waendelee kufuatilia vyombo vya habari kwa sababu vinaelimisha kuhusu Uchaguzi wa Serikali za Mitaa na pia waendelee kusikiliza kwa umakini matangazo ambayo yanapita mitaani kwao na kujitokeza kwa wingi kuandikishwa katika orodha ya wapiga kura. “Mimi kama Balozi, nimechukua hatua na kuwahamasisha wananchi kwa kupita nyumba kwa nyumba na kuwatofautishia kati ya zoezi lililopita na hili la sasa la kujiandikisha katika orodha ya wapiga kura. Na pia ninawapigia simu wale ambao nina namba zao nawaambia waende kujiandikisha” alisisitiza Zakayo.

Zoezi lililofanyika Septemba 25 hadi 1 Oktoba, 2024 mwananchi alikuwa na jukumu la kwenda kuboresha taarifa zake kwa yule ambaye amebadili makazi yake na kujiandikisha kwa yule ambaye ametimiza umri wa miaka 18 likiwa maalum kwa ajili ya Uchaguzi Mkuu wa madiwani, wabunge na rais. Zoezi linalofanyika hivi sasa la kujiandikisha katika orodha ya mpiga kura lilianza tarehe 11 na litamalizika oktoba 20, 2024 ni kwa ajili ya Uchaguzi wa Serikali za Mitaa ambapo mwananchi anatakiwa kujiandikisha katika eneo lake la makazi ili aweze kumchagua mwenyekiti wa kijiji, kitongoji na wajumbe wa halmashauri.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more